اثرك الين اليوم منت بفاهم لشخصيتي

الواجب انك لاتعديت الحدود وطفتها*
اقل حاجه تحترم نفسك وتحشم جيتي!
جوانبي الاخرى ترى للحين ماقد شفتها*
فالافضل إنك تتقي شري وتأمن سيتي!
كنت أحسب انك فاهم لشخصيتي وانصفتها*
أثرك الين اليوم ماانت بفاهم لشخصيتي!
اجل.. الاعيبك..إذا وياي ماخففتها*
عقليتك وشلون ترقى لمستوى عقليتي!
ياهي كثير اشياء صارت منك مااستلطفتها*
اقلها كذبك وانا في عز مصداقيتي!
واخطا لايمكن تطوف برغبتي طوفتها*
حتى ابين لك مدى صدقي وطيبة نيتي!
ياخي انا كل المشاعر لجلك استنفزتها*
وانت فبرودك للأسف قتلت رومنسيتي!
يعني ترى عفويتي من تحت راسك عفتها*
مع إني واحد دوم احب اتعامل بعفويتي!
لاكني اتلفت العلاقه مثل مااتلفتها*
مادام إنسايتك ماهي لإنسانيتي!
ابشروانا اللي دمعتي لليوم ماكففتها*
إني لاعلمك البكا وأثبت لك استاذيتي!
واجعلك قصه من صميم التجربه آلفتها*
دفعت فيها كبرياء إحساسي وحنيتي!
صدقني حاولت اتغاضى والعواقب خففتها*
لكني اخشى لو تطيح بناس من نوعيتي!
تستاهل إنك تنجحد من ناس ماشرفتها*
واول ترددت اجحدك والحين بامكانيتي!
مادامك اتعديت وياي الحدود وطفتها*
غسلت يدي منك واخليت مسؤوليتي!