قصيده رائعه

بعض البشر يابنت مافيه مذمـوم = وبعض البشر يابنت حل إفتراقـه
الخاسر اللي طبعهم فيه مشيـوم= والطيب ساس قلوبنـا وإندفاقـه
من يزرع الطيب له الطيب معلوم = وجرح الزمن مالي بتحديه طاقه
يابنت فيه بوقتنا شـي مبهـووم = ولا نعيش الوقـت كلـه حماقـه
إنعاين القسمه ونضربه بها علوم = ونلقى الحقيقه كاذبـه بإعتناقـه
تبغي الحقيقه مابها شي منـدوم = كللن علـى ليـلاه زاد إشتياقـه
أن كان شوقه للوفى بان مرسوم = وإن كان شوقه للردى في نفاقـه
ولايزعجك يابنت ذولا ترى رخوم = عسى الحياه اللي لهم ماتطاقـه
وبيت الردي لو زان مبناه مهدوم= وعــوااصف الشده تقطـع رواقـه
عسى المصايب يمهم دايم الـدوم= وعساهم بقبر يضيـق إختناقـه
يابنت أنا الوقـت بينبـي وسـوم= وجروح قلبـي كلهـا بالرفاقـه
كم رفقةٍ بين أثرها إلـى اليـوم = واللي عثى بالنفس ماهي بناقـه
زمل توطى خاطري منه مكصوم = وزاد العذاب وزاد فيني إحتماقـه
يابنت شوفي المنذله صارت سلوم = صارت عوايدهم وصارت للباقـه
يابنت يكفي بي هواجيس مزحوم = ولحدن بقلبه من همومي شفاقه