نصب ×نصب

## { ₪ (( نصــــب × نصــــب )) ₪ } ##

--------------------------------------------------------------------------------


ليش فيه ناس تكذب وتسلخ علينا ويعطينا من الرخيص

يعني وهو قاعد يكذب عليك ومتحمس هل هو يستمتع في هذا الشي ام انه معتبرك جدار ليس لك مشاعر

<< داخل معصب من اللي سمعه وشافه من ناس كذابين ماهمهم الا النصب × النصب


واعذرونا نسينا نسلم عليكم << بدري


السلام عليكم ورحمة الله وبركاته / كيفكم ان شاء الله منيحين


المهم اذا انت راعي كذب ونصب على اخوياك تجمعهم عندك وتقعد تكذب عليهم تقول والله فاتكم امس سويت وسويت

رجاء اطلع برا << احد زبد لحد

زبدة الموضوع

اني حبيت اشاركم بسالفه سمعتها من شخص كان صديقي << لاحظو كان صديقي وقاعد يكذب علي

وياليت انتم بعد تشاركونا بسواليف الناس اللي تكذب


ونبداء مع سالفة اللي ماحترمني وقاعد يكذب علي


هذا طال عمركم واحد مسير علي من اخوياي وهو شخص يتمتع بالكذبه والحنكه وهو معروف انهو يكذب بس على خفيف << ايه هين

المهم قاعدين نسولف وقهوه وشاهي وشوي ومع السواليف قال لي مادريت << هنا حسيت انه بتجيني سالفه تمشي مليون

قلت له لا مادريت وش السالفه , قال فاتك في مصر , قلت وش فاتني بس علمنا وسولف لنا واطربنا من سواليفك

قال شفت حليمه بولند << هنا انا توقفت وقلت في نفسي عادي يمكن رايحه تتمشى وشافها

قلت ايوه ووين فيه وكيف ,قال شفتها في كوفي شوب قاعده تعسل << وتوقفت مره اخرى مع نفسي وقلت عادي يمكن حليمه خربتها

قلت طيب وش نوع المعسل , رد علي قال تفاحه لاتستهبل , قلت انا ياخي امزح امزح ايوه كمل وبعدين

قال المهم كل اللي في الكوفي شوب يبون يسلمون عليها ويصورون معها ,ولكن الحراس الشخصيين كلهم واقفين عندها ومو راضين احد يقرب عندها

وانا ابي على الاقل لو اسلم عليها ولا اصور معها ,والمهم اني انا كنت واقف من ضمن الناس المتجمعه حولها << وطبعآ لاتنسون حليمه ماسكه لي الشيشه

يقول تخيل فجآه ياتفاحه وقعت عين حليمه بعيني ,وقالت حليمه انت لو سمحت تعال ,يقول قلت انا ,قالت حليمه ايه انت تعال << والله مدري على كلامه

المهم وشوي الحراس الشخصيين تركو لي المجال اني ادخل قدام كل العالم الواقفه ,وقالت لي حليمه اجلس ,واجلس معها

وقالت حليمه تبي شي اطلب << قلت في نفسي تعوذ ياتفاحه من الشيطان وخله يكمل السالفه

المهم قلت انا لا لا بس ابي اصور معك ,قالت ماطلبت شي وقامت وصورت معها وسلمت عليها

وقمت قلت لها ماقصرتي ,قالت لا وش دعوه , والجايات اكثر . << خويك موب حليمه

قلت انا في ذمتك السالفه ذي صدق ومتأكد انت من اللي قاعد تقوله قال ايه بس المشكله ان الصور حقتي انا وحليمه ضاعت

قلت انا طيب قم اطلع برا ولاعاد اشوفك مسير علي وهنا انتهت علاقتي معه وقمت بمسح رقم جواله من هاتفي ..

:::::::::::::


واكيد الواحد مننا لايخلو من صديق كذاب

وقد قالك سالفه نصبه لايمكن ان تنساها مهما صار

والمطلوب منكم !!

ان كل واحد عنده سالفه مثل سالفة خوينا في الله خوي حليمه بولند يطرحها هون


وبأنتظــــــار تفاعلكم ونصباتكم قصدي من ماتسمعون من نصبات ْْ..[/color]